| Bydd
i'r llyn hydrotherapi nodweddion fydd yn ei wneud yn brofiad
unigryw a phleserus i'w ddefnyddio, yn ogystal â bod yn
therapi gwerthfawr. Bydd y dwr yn gynnes ar 30ºC (sydd
yn hanfodol i osgoi plyciau o boenau cyhyrol ac i wella symudiad,
bydd mynediad hawdd o'r maes parcio i ochr y llyn, creir amgylchedd
anghlinigol a system hunan-gyfeiriol, a darperir ystafell orffwys
ac adfer, yn ogystal â man aros cyfforddus.
Yn ychwanegol,
cynigir therapïau amgen a fydd yn ychwanegu at yr ymarferion
arferol a wneir yn y llyn. Bydd yn ddatblygiad a fydd yn gweddu
i'r amgylchedd, wedi ei leoli mewn gardd bywyd-gwyllt cynaliadawy,
a bydd y cyfleusterau o fewn cyrraedd hawdd.
Mae'r
Ganolfan Hydrotherapi Ffynnon Bywyd yn grwp cymunedol gyda
chyfansoddiad cyfreithiol a Phwyllgor Rheoli sydd yn fforwm
i rannu gwybodaeth, barn a syniadau ynglyn â datblygiad
a ffurf y cynllun i'r dyfodol. Bydd aelodau'r Pwyllgor yn
monitro ac yn cefnogi gwaith Arweinydd y Cynllun a'r Swyddog
Datblygu.
Cwblhawyd
astudiaeth ymarferoldeb (Cam 1) yn llwyddianus. Gwelwyd yn
glir iawn fod angen a rheidrwydd am ddatblygiad o'r math yma.
O ganlyniad i ymchwil ac ymgynghori cyson cafodd y cynllun
gefnogaeth parod gan nifer o unigolion, grwpiau a gweithwyr
iechyd proffesiynol o fewn y gymuned.
Mae aelodau'r
cynllun ar hyn o bryd yn y broses o godi'r arian digonol ar
gyfer gweithredu cam nesaf y Cynllun Busnes a Datblygu (Cam
2). Yn benodol bydd y cam hwnnw'n golygu paratoi a chwblhau
cynlluniau pensaernïol a'u cyflwyno am ganiatad cynllunio.
Ymchwilir
hefyd am nawdd i'n galluogi i baratoi taflen wybodaeth yn
amlinellu gwerth llesol hydrotherapi i'w dosbarthu trwy ffynonellau
gofal iechyd proffesiynol. Mae ymchwil yn dangos yn glir nad
oes ddogfen o'r fath ar gael ar hyn o bryd. Mae'r Cynllun
yn derbyn cefnogaeth y Gymdeithas Hydrotherapi o Ffisiotherapyddion
Siartredig (HACP).
|
News
